Bakı Avrasiya Universitetinin Karyera və Təlim Mərkəzi, tələbələrin, məzunların, akademik heyətin və inzibati işçilərin şəxsi və peşəkar inkişafına dəstək olmaq məqsədilə fəaliyyət göstərən bir mərkəzdir. Mərkəzimiz, əmək bazarının tələblərinə uyğun bilik və bacarıqlara yiyələnmək, iş imkanlarından xəbərdar olmaq və karyera hədəflərini həyata keçirmək üçün geniş çeşiddə xidmətlər təklif edir. Şirkətlərlə sıx əməkdaşlıq edərək tələbə və məzunlarımıza müvafiq təcrübə və iş imkanları təqdim etməklə yanaşı, məzunlarımız üçün daimi dəstək mexanizmləri yaradırıq.
Missiyamız:
Tələbələrə və məzunlara karyera hədəflərini reallaşdırmaqda kömək etmək, onların bilik və bacarıqlarını artıraraq əmək bazarında rəqabətqabiliyyətli mütəxəssislər hazırlamaqdır.
Dəyərlərimiz:
Peşəkarlıq: İşimizdə yüksək keyfiyyət standartlarına əməl edirik.
Fərdi yanaşma: Hər bir tələbənin və məzunun potensialını dəyərləndirir, onların unikal ehtiyaclarına uyğun həllər təqdim edirik.
Əməkdaşlıq: Akademik və iş dünyası arasında güclü əlaqələr quraraq tələbələrimizə geniş imkanlar yaradırıq.
İnnovasiya: Təlim və karyera sahəsində müasir yanaşmaları tətbiq edirik.
Etibarlılıq: Hər zaman dəqiq və etibarlı xidmət göstəririk.
İş yarmarkaları, ustad dərslər, seminarlar və karyera konfransları təşkil edərək tələbələrimizi peşəkar həyatla tanış edirik.
İş dünyasının tələblərinə cavab verən praktiki biliklər və bacarıqların artırılması məqsədilə müxtəlif mövzularda təlimlər təşkil edirik.
Şirkətlərlə əməkdaşlıq çərçivəsində tələbələr üçün müvafiq sahələrdə istehsalat təcrübəsi və internşip imkanları təqdim edirik.
Müxtəlif təşkilatlarla tərəfdaşlıq edərək yeni iş imkanlarının yaradılması və tədqiqat layihələrinin təşviqinə nail oluruq
Karyera və Təlim Mərkəzinin əsas istiqamətləri bunlardır:
Mərkəzimizin peşəkar karyera məsləhətçiləri tələbələrə və məzunlara aşağıdakı istiqamətlərdə dəstək göstərir:
Sizi Bakı Avrasiya Universitetinin Karyera və Təlim Mərkəzi adından səmimi qəlbdən salamlayıram!
Universitet həyatı yalnız dərsə davamiyyət və imtahanlardan ibarət deyil. Bu dövr, həm də gələcək karyeranız üçün mühüm bilik və bacarıqlar qazandığınız bir mərhələdir. Bizim missiyamız, bu müddətdə sizə hərtərəfli dəstək olmaq, gələcək planlarınıza istiqamət vermək və sizin üçün uğurlu karyera yolları açmaqdır.
Karyera və Təlim Mərkəzimiz sizin həm akademik, həm də peşəkar inkişafınızı dəstəkləmək üçün fəaliyyət göstərir. Burada siz müxtəlif təlimlər, təcrübə proqramları və tədbirlərdə iştirak etməklə biliklərinizi təkmilləşdirə və əmək bazarının tələblərinə uyğun bacarıqlara yiyələnə bilərsiniz. Biz həmçinin sizin üçün iş imkanları yaradan şirkətlərlə əməkdaşlıq edir, məzunlar şəbəkəmiz vasitəsilə təcrübə və iş elanları paylaşırıq.
Əziz tələbələr, unutmayın ki, uğurlu karyera bir gecədə qurulmur. Bunun üçün əzmkarlıq, düzgün istiqamət və davamlı inkişafa ehtiyac var. Biz, Karyera və Təlim Mərkəzi olaraq, bu yolda sizin ən güvənilən tərəfdaşınız olmağa hazırıq.
Təklifləriniz və suallarınız bizim üçün hər zaman dəyərlidir. Sizləri ofisimizdə və tədbirlərimizdə görməkdən məmnunluq duyarıq. Əmin olun ki, birlikdə çox şeyə nail ola bilərik!
Hər birinizə akademik və peşəkar həyatınızda uğurlar arzu edirəm!
Hörmətlə,
Natiq Xəlilov
Karyera və Təlim Mərkəzinin Müdiri
Bakı Avrasiya Universiteti
