• 24 Oct 2023

Bildiyimiz kimi, "Alo Karyera” dəstək xidməti çərçivəsində Universitetlərdə yerindəcə Dövlət Məşğulluq Agentliyinin Mərkəzi Karyera filialının əməkdaşları tərəfindən canlı şəkildə fərdi konsultasiyalar təşkil olunur. Belə ki, növbəti dəfə bu təşəbbüs Bakı Avrasiya Universitetində baş tutacaq. 27 oktyabr tarixində Mərkəzi Karyera filialının əməkdaşları tələbələrimizlə görüş keçirəcəklər. Görüşdə Karyera Mərkəzinin hazırlamış olduğu "google form" da qeydiyyatdan keçmiş 20 şanslı tələbə iştirak edəcək.

Mövzular aşağıdakılardır: - Düzgün Karyera planlaması; - Əmək bazarının tələbləri və araşdırılması; - İş axtarışı; - Rezüme və istək məktubun hazırlanması; - Müsahibəyə hazırlıq.  QEYD: Tələbələrimizin hər birinin iştirakını təmin etmək üçün növbəti aylarda konsultasiyaların davamlı olaraq keçirilməsi nəzərdə tutulur.