• 26 Nov 2025

Bakı Avrasiya Universitetinin (BAAU) Karyera və Təlim Mərkəzində Gənclərin İnkişafı və Karyera Mərkəzinin (GİKM) nümayəndələri ilə görüş keçirilib.

Görüşün əsas məqsədi tələbələrin peşəkar inkişafını dəstəkləyən fəaliyyətlərin gücləndirilməsi, yeni təşəbbüslərin planlaşdırılması və növbəti dövr üçün əməkdaşlıq istiqamətlərinin müəyyənləşdirilməsi olub.

Tərəflər cari semestr çərçivəsində Turizm sektorunda karyera imkanları mövzusunda geniş panel müzakirəsinin birgə təşkil olunması barədə razılığa gəliblər. Panel müzakirəsinə sahə üzrə mütəxəssislərin cəlb edilməsi planlaşdırılır.

Bakı Avrasiya Universiteti tələbələrinin iş dünyasına inteqrasiyası, karyera planlaşdırması və peşəkar bacarıqların inkişafı istiqamətində əməkdaşlıq imkanlarını genişləndirməkdə davam edəcək.