• 26 Nov 2025

Əməkdaşlığın məqsədi tələbələrin sosial və psixoloji rifahının gücləndirilməsi, onların praktik bacarıqlarının inkişafı, həmçinin gənclərin psixoloji maarifləndirilməsi istiqamətində birgə fəaliyyətlərin həyata keçirilməsidir.

“Ahəng” Psixoloji İnkişaf və Dəstək İctimai Birliyi psixoloji inkişaf, sosial rifah və gənclərin psixososial dəstəyinə yönəlmiş fəaliyyət göstərən qeyri-hökumət təşkilatıdır. Qurum fərdi və sosial rifahın artırılması, psixoloji maarifləndirmə və sosial iş üzrə mütəxəssislərin praktik biliklərinin təkmilləşdirilməsi istiqamətində layihələr həyata keçirir.

İmzalanmış memorandum çərçivəsində Bakı Avrasiya Universitetinin “Sosial iş” ixtisası üzrə təhsil alan tələbələrinin “Ahəng” İctimai Birliyində istehsalat təcrübəsi keçməsi, təşkilatın sosial layihələrində və psixoloji dəstək proqramlarında könüllü kimi iştirak etməsi nəzərdə tutulur.

Bu əməkdaşlıq tələbələrin praktik təcrübə qazanmasına, sosial məsuliyyət hissinin formalaşmasına və cəmiyyətin psixoloji rifahına töhfə verəcəkdir