• 26 Feb 2025

Karyera və Təlim Mərkəzi ilə "EDU Company" Təhsil Şirkəti arasında əməkdaşlıq imkanlarını müzakirə etmək məqsədilə görüş keçirildi. Görüşdə "EDU Company" Təhsil Şirkətinin Kommunikasiya və İnkişaf Mərkəzinin direktoru Hilal Məmmədov və Karyera və Təlim Mərkəzinin direktoru Natiq Xəlilov iştirak etdilər.

Görüş zamanı tələbələrin karyera inkişafına dəstək məqsədilə təlimlərin, seminarların və digər peşəkar inkişaf tədbirlərinin təşkili müzakirə olundu. Natiq Xəlilov Karyera və Təlim Mərkəzinin tələbələrin peşəkar bacarıqlarını artırmaq üçün həyata keçirdiyi proqramlar barədə ətraflı məlumat verdi və əmək bazarına hazırlıq istiqamətində görülən işlərin vacibliyini vurğuladı.

Öz növbəsində, Hilal Məmmədov "EDU Company" şirkətinin fəaliyyət istiqamətləri, tələbə və gənclər üçün təqdim etdiyi imkanlar, eləcə də əmək bazarına inteqrasiya prosesində peşəkar inkişaf proqramlarının rolu barədə geniş məlumat verdi.

Görüş çərçivəsində aşağıdakı əməkdaşlıq istiqamətləri müzakirə edildi:

Tələbələr üçün birgə seminar və təlimlərin təşkili;

Peşəkar inkişaf məqsədilə mentorluq və təcrübə proqramlarının yaradılması;
İş dünyasına hazırlıq üçün praktiki bacarıqlara yönəlmiş master-klassların keçirilməsi.

Görüşün sonunda tərəflər gələcək əməkdaşlıq üçün konkret fəaliyyət planının hazırlanması və tələbələrə daha geniş imkanların yaradılması istiqamətində razılığa gəldilər.

Bu əməkdaşlıq çərçivəsində tələbələrin bilik və bacarıqlarının artırılması, onların peşəkar inkişafı və iş dünyasına daha yaxşı hazırlaşmaları üçün yeni perspektivlər açılacaqdır.