• 15 Apr 2023

15.04.2023-cü il tarixində JW Marriott Absheron Baku Hotelində Azərbaycan Hotel Assosiasiyasının (AHA) təşkilatçılığı ilə tələbələr, məzunlar və karyera əməkdaşları üçün Ürəkdən qonaqpərvərlik – karyera sərgisi (“Hospitality from the Heart”) keçirilmişdir.

BAAU-nin Karyera və təcrübə mərkəzinin əməkdaşları və tələbələr tədbirdə iştirak etdilər. Qonaqpərvərlik sənayesi istedadları axtardığı bir vaxtda, bu tədbir iştirakçılara, xüsusilə turizm və otelçilik ixtisası tələbələrinə qonaqpərvərlik karyeralarının zənginliyi haqqında məlumat əldə etməklərinə, eləcə də aparıcı sənaye ekspertləri və peşəkarları ilə əlaqə qurmaqlarına imkan yaratdı. Sənaye liderləri qonaqpərvərlik sahəsində karyera üstünlüklərini izah edən təqdimatlar nümayiş etdirdilər, həmçinin seminarlar və master klasslar keçirdilər.